Features
01 Aug 2015

Gerumpu Besai Periman 2015 di Port Dickson Methodist Centre kena 21-23 May, 2015

Source/Author: By Jefri Ngalambai

GC Laity Convention News (GCLC) - SIAC

Awakka ka kitai nyadi garam enggau penampak di menoa kitai! Bakanya ko munyi rambai jaku Gempuru Besai Periman sekali tu.

Puji Tuhan ketegal udah ngemujorka Gempuru Besai Periman (Laity Convention 2015) ke taun 2015 ti baru udah diatur GC di Port Dickson Methodist Resort kena 21– 23 May, 2015. Bala periman ari seluruh Gereja Methodist Malaysia, TRAC, SCAC, SPAC, TAC enggau SIAC.

Gem
puru besai ke sekali tu bisi digulo lebih 200 iko pengari enggau speaker. Ari SIAC, bisi 54 iko pengari nyengkaum President, Reverend Steward Damat, Tuai-tuai Sitak enggau bala paderi udah sama enggau ngulo aum besai tu.

Bisi enam iko speaker udah bekunsi ka topik enggau jaku Tuhan. Kelimpah ari Bishop Gereja Methodist Malaysia, ianya Bishop Dr. Ong Hwai Teik empu, sida ti bukai nya baka Rev. Sivin Kit, Dr. Mark Lovatt, Tan Sri Lee Oi Hian, Dato Dr. Alex Mathews enggau Dr. Sii How Sing.

Batang sharing/penemu ti dikunsi serta dipejurai ka maya gempuru besai periman
tu ianya ba senentang pekara ti bekait enggau ungkup kitai orang Kristian dalam niri ka bansa Malaysia ti lebih manah agi. Kitai orang Kristian dipinta bepelansarka ajar Jesus Kristus nengah Mathew 5: 13-16 ti mai batang ajar ngambi ka kitai orang Kristian deka nyadi garam enggau penampak di menoa Malaysia tu.

Sepengudah bala
speakers udah bekunsi ka sharing sida, dia tiap-tiap Aum Betaun diberi peluang sama-sama meri penemu diri (responses) bekait enggau utai ti udah dikerandau ka bala speakers.

Batang ajar ti dibai bala
speakers enggau sida ti bekunsi ka sharing leboh aum besai tu endang ngena serta setipak enggau pekara ti benong nyadi di menoa kitai kemaia tu ti bisi mai pengirau ngagai semua kitai, kelebih agi kitai orang Kristian. Nya alai kitai semua dipinta besampi kelebih agi kitai ari SIAC awakka Tuhan meruan ngibun lalu nyaga semua kitai ari semua penguji tu.

Repot disediakan,
Jefri Ngalambai
SIAC Lay Leader 2014-2015