Di Port Dickson Methodist Centre kena 19-21 Julai, 2019

Puji Tuhan, sekali agi bala periman Gereja Methodist Malaysia udah mujur ngator Aum Besai Periman 2019 di Methodist Centre, Port Dickson kena 19 ngagai 21 Julai, 2019.

Bisi 300 lebih pengari ari semua Aum Betaun (CAC, TRAC, TAC, SCAC, SIAC, SAC) udah begelumu ba Aum Besai ke sekali tu ti berambai ka jaku “The Family After God’s Own Heart” tauka “Sebilik ti Ngelantangka Ati Allah Taala.”  

Leboh Aum Besai tu, SIAC udah nganjung 58 iko pengari ti nyengkaum 7 iko paderi/pengajar enggau 51 iko bala periman. President SIAC, Reverend Steward Damat enggau Tuai Periman SIAC Mr. Jefri Ngalambai sama bisi ngulo Aum Besai ti diator sekali dalam timpoh 4 taun.

Leboh maya Aum Besai tu, bisi 5 iko speaker ti udah bekunsi ka jaku Tuhan enggau bala ti datai lalu batang pekara ti dikerandau ka sidak berindik ari rambai jaku aum besai ke sekali tu, ianya pasal Sebilik ti Ngelantangka Ati Allah Taala. Bala speaker nya nyengkaum:- 

(i)  Bishop Dr. Ong Hwai Teik - The Methodist Church Family.
(ii)  Rev. Moses Tay - Gospel Supremacy in Families to Build God’s Kingdom, Urgency of Capturing the Next Generation while they are young and How God’s Kingdom Capture the Next Generation.
(iii)  Mr. Abel Cheah – The Family Oriented Church.
(iv)  YB Hannah Yeoh – The Church Family in The Nation

Bala pengari diberi peluang betanya lalu bekunsi ka penemu pasal pekara ti dikerandau ka bala speaker lalu pia mega bisi sesi ngagai tiap Aum Betaun nyerara ka penemu ari pengari diri empu bekaul enggau randau ti dibantaika bala speaker.

Nitihka ti udah disebut Bishop Dr. Ong Hwai Teik maya Aum Besai, peluang baum bakatu meh dikena kitai besaum sereta ngerapat ka agi kaul antara semua kitai bepun ari paderi-pengajar, periman enggau pengereja enda kira umur bepelansarka jaku ari Bup Kudus dalam Epesus 4:3 - Lalu enggau naka ulih nyaga penyerakup dalam Roh ngena pemaik ti nanggam kita semua. 

Ditulis – Jefri Ngalambai
Conference Lay Leader
Sarawak Iban Annual Conference